1 Chronicles 11
David, Israel Kumpi Suak
1Israel khempeuh Hebron a David kiangah pai uh a, “Kote nangma si le sa ka hi uh hi. 2A beisa hun Saul kumpi ahi lai nangawnin galsimna-ah Israel a makaih nangmah na hi hi. Tuateh TOPA na Pasian in nang tungah, “‘Ka mi Israel na cing dinga, amaute ukpa na suak ding hi,’ hong ci hi,” a ci uh hi. a 3 Israel upate khempeuh Hebron a Kumpi David kiangah a pai uh ciangin Hebron a TOPA mai-ah kithukhatna bawl uh a, TOPA in Samuel tunga a ciamsa bangin amaute in Israel tunga kumpi dingin David sathau a nilh uh hi. bDavid in Jerusalem Zo
4 David le Israel-te khempeuh, Jerusalem (tua pen Jebus)ah a kuan uh hi. Tua lai-a teng Jebus-te in 5David kiangah, “Hih lai-ah na lut zo kei ding hi,” a ci uh hi. Tua sangsikin David in kulhpi a ki-um David Khuapi Zion a la hi. c 6 David in, “Jebus-te sima makai peuhmah galkap mang lianpen a suak ding hi,” a ci hi. Zeruiah tapa Joab kuanto masa pena amah in tua za a ngah pah hi. 7 Tua khit ciangin kulhpi sung inn ah David tenga tua ciangin David Khuapi kici hi. 8Amah in a kipsakna leicialte ▼▼11.8 Ahikeh Millo
panin a kimkot-a kulhte dongin a kimkot ah khuapi lam a, tua lo khuapi dangte Joab in a puah kik hi. 9Tua ciangin Thahatpen TOPA in amah ompih ahi manin David a vanglian semsem hi. e David’ Mithahatte
10 Hihte in David mithahatte ukte hi a - TOPA in a ciamsa bangin amaute in Israel khempeuh tawh gam buppi ah a kumpi hihna khauhsakin a khangsak uh hi - 11hihte in David mithahatte min ahi hi: f Hacmoni-te Jashobeam in uliante ▼▼11.11 Jashob-Baal tawh kilamdang lo kha ding.
ukpa hi-a, amah in mi zathumte ▼▼11.11 Ahikeh Sawmthum Septuagint khutgelh pawlkhat ah Thum (2Sa. 32:8 zong en in)
langah teipi liikin hun khatin a that khinpa ahi hi. 12 Ama zomah Ahoh-te Dodai tapa Eleazar hi-a, mi thahat thumte lakah khat ahi hi. 13Philistia-te galsim dingin a kithawi lai-un Pas Dammim ah David a ompihpa ahi hi. Mangbuh-ham a dimin a pona mun khatah Philistia-te kiang panin galkapte a taikek uh hi. 14Ahi hangin amaute in a lo laizangah panmun a la uh hi. Amaute in nang teitei uh a, Philistia-te satpukin TOPA in gualzawhna lianpi a pia hi. 15 Philistia-te hon khat in Rephaim Kuampi ah giahphual a sat lai-un Adullam suangpi hawma David kiangah a makai sawmthumte lak ah thum a paisak uh hi. 16Tua hunin kulh muanhuai sungah David om a, Philistia khuapi cingte Bethlehem ah a om uh hi. 17David in tui duh a, “Bethlehem kongpi gei-a tuikhuk tui mi khat in hong suah leh ut si’ng maw!” a ci hi. 18Tua ciangin mi thahat thumte in Philistia-te gal panna Bethlehem kongpi gei-a tui va tawi uh a, David a puak uh hi. Ahi hangin amah’n a dawn nuam kei hi; a dawn tangin TOPA mai-ah a sung hi. 19Amah in, “Hih banga hih ding Pasian in a kham hi, amau nuntakna khama a paite sisan dawn ding ka hi hiam?” a ci hi. Amaute in a nuntakna uh khamin a va tawi uh ahi manin David in a dawn nuam kei hi. Mi thahat thumte hanzia a hici ahi hi. 20 Joab sanggampa Abishai, tua mi thumte makaipa ahi hi. Amah in zathumte langah a teipi liik in, amaute that-a tua hangin mi Thumte zaha minthang ahi hi. 21Amah mi Thumte zah nihin kipahtawi-a, amaute lakah a kihel loh hangin amaute ukpa a suak hi. 22 Kabzeel pana Jehoiada tapa Benaiah galdo siam mahmah a, a tuampian pipi-in a sem hi. Amah in Moab’ misuan pente nih a satpai hi. Vuk kiat ni khatin zong leihawm khatah kumsukin humpinelkai khat a that hi. 23Amah in pi sagih le alang a sang ▼▼11.23 Hebrew in tong nga (meter 2.3 bang)
Egypt-te khat a satpai hi. Egypt-pa in siamgante lawngpi a bang teipi khat a khutin tawi napi amah do dingin Benaiah khetbuk khat bek tawh a kuan hi. Amah in Egypt-pa khut panin a teipi bawhkhiatsak a, ama teipi mah in amah a leh thah hi. 24Jehoiada tapa Benaiah a tangkaina hici bang hi a; amah zong mi thahat thumte zah mahin a minthang hi. 25Amah Sawmthumte khatpeuh sangin kipahtawizaw napi Thumte lakah a kihel kei hi. Tua hi-a David in amah cingte ukpa in a koih hi. j 26 Mi thahatte:Joab sanggampa Asahel,
Bethlehem pan Dodo tapa Elhanan,
27 Harori-te Shammoth,
Pelon-te Helez,
28 Tekoa pan Ikkesh tapa Ira,
Anathoth panin Abiezer.
29 Hushath-te Sibbecai,
Ahoh-te Ilai.
30 Netophath-te Maharai,
Netophath-te Baanah tapa Heled,
31 Gibeah pana Benjamin-te Ribai tapa Ithai,
Pirathon-te Benaiah,
32 Gaash kuamte panin Hurai,
Arbath-te Abiel,
33 Baharum-te Azmaveth,
Shaalbon-te Eliahba,
34 Gizon-te Hashem tapate,
Herari-te Shagee tapa Jonathan,
35 Harari-te Sacar tapa Ahiam,
Ur tapa Eliphal,
36 Mekerath-te Hepher,
Pelon-te Ahijah,
37 Carmel-te Hezro,
Ezbai tapa Naarai,
38 Nathan sanggampa Joel,
Hagri tapa Mibhar,
39 Amon-te Zelek,
Zeruiah tapa Joab galvan puapa Beroth-te Naharai,
40 Ithri-te Ira,
Ithri-te Gareb,
41 Hit-te Uriah, k
Ahlai tapa Zabad,
42 Reuben-te le ama ompih sawmthumte sunga makai Reuben-te Shiza tapa Adina,
43 Maacah tapa Hanan,
Mithni-te Joshaphat,
44 Ashterath-te Uzzia,
Aroer-te Hotham tapa Shama le Jeiel,
45 Shimri tapa Jediael,
a sanggampa Tiz-te Joha,
46 Mahav-te Eliel,
Elnaam tapate
Jeribai le Joshaviah, Moab-te Ithmah,
47 Mezob-te Eliel, Obed le Jaasiel.
Copyright information for
ZomZIV